ძვირფასო მასწავლებლებო და მშობლებო!

გთხოვთ, შეიძინოთ სასკოლო სახელმძღვანელოები წიგნის მაღაზიებსა და გამომცემლობების ოფისებში, არ შეიძინოთ ვაგზლის, გლდანისა და ვარკეთილის ბაზრობებზე. ბაზრობებზე გარემოვაჭრეებთან იყიდება კონტრაფაქციული, ყალბი, ე.წ. „ლევი“ წიგნები.

ეს წიგნები საფრთხის მატარებელია ბავშვების ჯანმრთელობისათვის, დამზადებულია არალეგალურად, იაფი უხარისხო პოლიგრაფიული მასალებით, შეიცავს სხვადასხვა მავნე, მომწამლავ ნივთიერებებს.

ყიდვისას დააკვირდით წიგნის გარეკანს, ილუსტრაციებსა და ბეჭდვის ხარისხს. გარეკანი უნდა იყოს მკვრივი ქაღალდის, ლამინირებული, ილუსტრაციები - მკვეთრი, ინტენსიური ფერის, ტექსტი - მკაფიო, კითხვადი.